«Дьиэ кэргэн-ааҕыы биһигэ»
Муус устар 8 күнүгэр. Россияҕа Норуоттар сомоҕолоһууларын, Саха Республикатыгар Култуура, Чурапчы улууһугар Олохтоох бэйэ оҥорон таһаарыы сылларыгар анаан, Оҕо кинигэтин нэдиэлэтин чэрчитинэн XXIII төгүлүн ыытыллар «Весенний калейдоскоп чтения» улуустааҕы дьиэ кэргэн бэстибээлин, «Ыал саргыта» улуустааҕы пилотнай бырайыак чэрчитинэн ыытыллар дьиэ кэргэнинээн ааҕыы түһүлгэтин тэрээһинэ ыытыллынна. Тэрийэн ыыттылар, Одьулуун орто оскуолатын педагог-бибилэтиэкэр Туйара Семеновна Максимова уонна нэһилиэк модельнай бибилэтиэкэтин сэбиэдиссэйэ Таисия Петровна Григорьева.
Сыала:
Ааҕыыга үөрэнээччилэр, төрөппүттэр болҕомтолорун тардыы, оҕо төрөөбүт тылынан санаатын сатаан этэригэр үлэлэһии, төрөөбүт тылын байытыы.
Соруктара:
• оҕону уонна төрөппүтү ааҕыы эйгэтигэр уһуйуу;
• «Саамай ааҕар кылаас» бырайыак айымньыларын ааҕыыны көҕүлээһин;
• дьиэ кэргэн төрөөбүт тылынан саҥарар дьоҕурун сайыннарыы;
• оҕо уонна төрөппүт бииргэ айар дьоҕурун сайыннарыы.
Бэстибээл үөрүүлээх чааһын Куличкиннар дьиэ кэргэн, Суорун Омоллоон 120 сыллаах үбүлүөйүгэр анаан «Дьэрэкээн о5олор остуоруйанан» театрализованнай туруоруунан са5алаатылар. Салгыы тыа сирин түөлбэтин Одьулуун нэһилиэгин баһылыга Людмила Васильевна Ефремова, оскуола директоры иитэр үлэҕэ солбуйааччыта Алена Егоровна Барашкова, саалаҕа мустубут кыттааччылары, көрөөччүлэри эҕэрдэлээтилэр.
Күрэхпит уопсайа 5 түһүмэҕинэн ыытыллынна.
1 т. «Саамай ааҕар кылаас» бырайыак 3-с уонна 4-с чиэппэрдээҕи сахалыы тылынан суруллубут айымньыларынан викторина.
2 т. «Тыыннаах тыл» (экспромт-инсценировка). Бэриллибит тиэкиһи тута билсэн, дьиэ кэргэнинэн тыыннаахтык оонньоон көрдөрүү.
3 т. «Өс хоһооно-өбүгэ номоҕо». Өс хоһооннорунан тыл оонньуута.
4 т. «Сытыы харах, сымса өй». Болҕомтону уонна түргэнник толкуйдуур дьоҕуру тургутар күрэх.
5 т. «Тыл-үйэ аргыһа». Саҥа кэм тылларын (тиэрминнэрин) таайыы күрэх.
Кыайыы түмүктэрэ маннык буоллулар:
- Добун сурук 1 үрдэли ылары ситистилэр, Брызгаевтар дьиэ кэргэн 5 кылаас;
- 2 үрдэл Куличкиннар дьиэ кэргэн, 1 кылаас;
- 3 үрдэл Седалищевтар дьиэ кэргэн, 4 кылаас;
- Анал аат-Дьячковскайдар дьиэ кэргэн, 3 кылаас;
Кыттыбыт бары дьиэ кэргэттэргэ уонна тэрээһиҥҥэ көмөлөспүт дьоммутугар улахан МАХТАЛБЫТЫН тиэрдэбит! Бу тэрээһиммит үтүө үгэскэ кубулуйан, сылын аайы кэҥии сайда турдун диэн алгыс тылбытын аныыбыт!
