«УЙГУЛААХ ЫҺЫАХПЫТ УРУЙУН ТУТУОҔУҤ»
Бэс ыйын 13 күнүгэр Одьулуун нэһилиэгэр, «Дириҥ атах» ыһыахтыыр сиригэр ыытылынна.
Алгыс түһүлгэтигэр, алгыс сиэрэ-туома, киин помостка эҕэрдэлэр, наҕараадалааһын «Үйэлээх таптал кэрэһиттэрэ», Ульяна Семеновна, Степан Степанович Барашковтар 50 сыл бииргэ олорбут кыһыл көмүс сыбаайбаларын чиэстээһин буолла. Нэһилиэкпит талааннаах дьонун кэнсиэрэ, «Ыһыах маанылаах сандалыта» түһүлгэлээн аһааһын, «Омуоруйа оонньуулара» ыһыах спортивнай күрэхтэһиитэ: мас тардыһыы, сүүрүү, хапсаҕай, үс төгүл үс.
Сылын ахсын нэһилиэкпит үбүлүөйдээх дьонун ахтан санаан ааһабыт:
- Тыыл уонна педагогическай үлэ ветерана, нэһилиэк бэтэрээннэрин түмсүүтүн төрүттээччи — Антипин Афанасий Андреевич-120 сыла.
- Үлэ уонна тыыл ветерана, СССРС соҕотуопкаҕа туйгуна, орден кавалера- Тоскин Тимофей Гаврильевич-110 сыла.
- Тыыл уонна доруобуйа харыстабылын бэтэрээнэ, СССРС доруобуйаҕа харыстабылын туйгуна, нэһилиэк олохтоох балыыһатын сэбиэдиссэйинэн 30-ча сыл үлэлээбит — Пинигина Мария Григорьевна 105 сыла.
- Аҕа дойду сэриитин кыттыылааҕа, үлэ ветерана, сааһын тухары холкуоска, сопхуоска булгаахтарынан үлэлээбит — Кардашевский Семен Никитич- 100 сыла.
- Аҕа дойду сэриитин кыттыылааҕа, Үлэ уонна сыана ветерана, Тыа хаһаайыстыбатын дэгиттэр үлэһитэ — Сысолятин Николай Михайлович — 100 сыла.
- Үлэ уонна тыыл бэтэрээнэ, колхуоска уонна сопхуоска булгаахтарынан уонна түүлээхчитинэн үлэлээбит — Григорьев Петр Гаврильевич — 100 сыла.
- Үлэ уонна тыыл бэтэрээнэ, Хоту көһөрүү кыттыылааҕа, оройуон хапсаҕайдьыта, сааһын тухары сүөһү иитиитигэр биригэдьииринэн үлэлээбит — Матвеев Христофор Христофорович — 100 сыла.
- Үлэ уонна тыыл бэтэрээнэ, сорсуннаах булчут — Куличкин Николай Федорович — 100 сыла.
- Тыыл уонна эргиэн бэтэрээнэ, Хоту көһөрүү кыттыылааҕа, Россия потреб кооперациятын туйгуна, Одьулуун нэһ. бочуоттаах олохтооҕо — Софронов Егор Романович — 95 сыла.
- Үлэ уонна тыыл бэтэрээнэ, Хоту көһөрүү кыттыылааҕа, Бочуот Знага орден кавалера, нэһилиэккэ техника өрөмүөннүүр мастерскойун сэбиэдиссэйинэн өр сылларга таһаарыылаахтык үлэлээбит — Матвеев Семен Харлампьевич — 95 сыла.
Эҕэрдэ тыл эттилэр: Ефремова Л.В., Чурапчу улууһун Тэрийэр уонна правовой боппуруостарга управления начальнига Захаров Леонид Станиславович. Ыһыахпыт үөрүүлээх түгэннэрин, үйэтитэр хаартыскалары слайд-шоу баттаан көрүҥ.
Салгыы күнүс 14:00 ч «Омуоруйа оонньуулара» киин помостка, 15:00 ч «Өбүгэ үгэһин оонньуулара» кэнсиэрдиир кыра трибунаҕа ыытыллыннылар.