Улуустааҕы «Ыал саргыта» дьиэ кэргэн форума
Арассыыйаҕа «Дьиэ кэргэн», Саха сиригэр «Оҕо саас», Чурапчы улууһугар «Ыал саргыта» сылларынан Чурапчы улууһугар ыытыллыбыт «Ааҕар Саха сайдам ыала» диэн куонкуруска биһиги нэһилиэкпититтэн Дьячковскай Семен Семенович уолунаан Айыысиэнниин, Роман Гермогенович, Айталина Семеновна уонна Лилиана Сибиряковтар көхтөөх кыттыыны ыллылар.
Ахсынньы 13 күнүгэр «Айылгы» норуот айымньытын дьиэтигэр дьиэ кэргэн форума буолла. Онно 5 түһүмэҕинэн форум ыытыллынна. Сибиряковтар дьиэ кэргэн III миэстэни ылары ситистилэр.
«Ааҕар Саха сайдам ыала» куонкурус түмүгүнэн 5 дьиэ кэргэн Дьокуускай куоракка Наталья Владимировна Михалева- Сайаны кытта көрүстүлэр ол кэнниттэн П.А.Ойуунускай аатынан Саха драматическай тыйаатырыгар испэктээккэ сылдьан кэллилэр. Биһиги нэһилиэкпититтэн Алексей Николаевич, Алевтина Николаевна уонна Сайаан баран кэллилэр.
