Бэс ыйын 11 күнүгэр Чурапчы улууһун Одьулуун нэһилиэгэр, IV-с төгүлүн ыытыллар «ОМУОРУЙА ООННЬУУЛАРА»
«ОМУОРУЙА ООННЬУУЛАРА» -2026 с. Өрөспүүбүлүкэ нэһилиэктэрин икки ардыларыгар хамаанданан мас тардыһыытыгар күрэхтэһии буолан ааста.
Күүстэрин — уохтарын көрдөрөр, аат былдьаһар, сымса туттуулаах, бастыҥ мадьынылар аат ааттаан кэллилэр! Быйыл 4-с төгүлүн ыытыллар. Парады салайан киллэрдэ Спорт маастара, Чурапчы улууһун оҕолорго старшай тренера, Ньургун Седалищев.
Хамаандалар: Одьулуун нэһилиэгэ, Сылан нэһилиэгэ, Алаҕар нэһилиэгэ, ыаллыы сытар Мэҥэ Хаҥалас улууһун Балыктаах нэһилиэгэ, кыттыыны ыллылар.
Күрэхтэһии саҕаланыытыгар Гимн РФ, РС(Я) тыаһаата. Тыйыс айылҕалаах Саха Сирин дьоно сэргэтэ, былыр былыргыттан күүһү, сымса буолууну эрэйэр, чаҕылҕанныы түргэн хамсаныылардаах тургутуһар оонньуулары таптыыллара. Уһунньуктаах уһун кыһын бүтэн, Сахалар улуу Үрүҥ тунах ыһыахтарыгар мэндэ далаһыыга, мас тардыһыытыгар, хапсаҕайга уонна да атын көрүҥнэргэ мэлдьи көҕү, интириэһи тардар күрэхтэри тэрийэллэр эбит.
Мас тардаһыыта успуорт национальнай көрүҥэ буоларынан, быраабылата судургутунан, киһи хараҕар быраҕылларынан Аан дойду үрдүнэн биллэр успуорт көрүҥэ буолар.
Алгыс сиэрин-туомун оҥордо, СӨ физическэй култууратын уонна спордун үтүөлээх үлэһитэ, Чурапчы улууһун бочуоттаах гражданина, Вячеслав Павлович Карпов аат. оҕо-ыччат спортивнай оскуолатын өр сыллаах директора, культурнай тэрээһиннэргэ үгэс буолбут оһуохай ырыатын биллиилээх маастара Семен Семенович Морфунов.
Эҕэрдэ нүөмэр: Т.Г. Тоскин аат. «Сайдыс» н.а.дь. «Сиэр Кыргыт» фольклорнай бөлөҕө уонна Владимир Смирников, Василий Хоютанов эҕэрдэлээтилэр. Эҕэрдэ тыл эттилэр: Ефремова Л.В., Чурапчы оройуонун мас тардыһыытын федерациятын салайааччыта Михаил Спиридонович Игнатьев.
Күрэхтэһии сүрүн судьуйата: СӨ үөрэҕириитин туйгуна, СӨ физическэй култуура уонна успуорт туйгуна, Чурапчы улууһун 3 истиэпэннээх кылаатын иһин знак хаһаайына, Одьулуун нэһ. бочуоттаах гражданина, «Сахаада Спордун» маастара Капитонов Е.С.
Күрэхтэһии информатор судьуйата: ЯАССР бастыҥ спринтера, ЯАССР 7 -с сайыҥҥы спартакиадатын үс төгүллээх чемпиона, Урал, Сибиир, Дальнай Восток, Казахстан уонна Орто Азия үрдүк үөрэх тэрилтэлэрин Универсиадатын 200 м дистанция финалиһа Скрябин Илья Ильич.
Күрэхтэһии сүрүн секрэтэрэ: Сибиряков Р.Г. Түмүккэ Одьулуун хамаандата 1 миэстэни ылла. Аллараа слайд-шоу баттаа, тэрээһин түгэннэриттэн хаартыскалары көрүҥ.
