ИС ТУРУК, ТАС КӨРҮҤ УЛАРЫЙЫЫ ТУҺУНАН Наталья Иванованы кытта, көрсүһүү киэһээтэ
Ыам ыйын 18 күнүгэр, биир дойдулаахпыт, төрөөбүт төрүт түөлбэтигэр Одьулуунун нэһилиэгэр Наталья Петровна кэлэн, сабыс саҥа «АЛГЫСТААХ АЛААС» бырайыагын сүрэхтээтибит. Наталья туһунан кыратык сырдатар буоллахха, кини Чурапчы улууһун Мындаҕаайы сэлиэннэтигэр соҕотох мааны кыыс күн сирин көрбүтэ. Одьулуунун оскуолатын ситиһиилээхтик бүтэрэн, сөбүлүүр идэтин талан үөрэх киэҥ аартыгар үөрэнэр. Ийэтэ Мотрена Петровна, аҕата Петр Петрович, суруйар айар талаана Натальяҕа аҕатыттан бэриллибит диэтэхпитинэ сыыспаппыт буолуо. Сахабыт сирин үгүс дьоно-сэргэтэ биһиги кыыспытын куйаар ситимин нөҥүө билэр буолуохтаахтар.
- Харахтарга саһар сылаан,
- Кистии тутар хом санаан.
- Ытыстаргар сып-сылаас,
- Иҥэр иэйииҥ дьиҥ ыраас Наталья бэйэтэ айбыт хоһооно
Ону таһынан Наталья Петровна 2021 сыллаахха маҥнайгы нууччалыы суруллубут «Я выбираю жизнь» диэн кинигэтин сүрэхтэниитэ буолбута. Кини айар талаана күнтэн күн сайдан иһэр, бэйэтин сөбүлүүр дьарыгынан 20-тахса сыл ас-үөл эйгэтигэр үлэлээн, тапталлаах ийэ буолар.
Наталья кэнники сылларга, бэйэтин ис туругун сайыннаран, бэйэтигэр саҥалыы көрүүнү киллэрэн, дьоҥҥо-сэргэҕэ үтүө сүбэһит, холобур буолан, саҥа бэйэтэ айбыт ааптарскай бырайыагын олоххо киллэрэн дьон-сэргэ сэҥээритин ылыан ылла. Көрсүһүү түгэннэрин слай-шоу хаартысканан КӨРҮҤ, СЭРГЭЭҤ!
