СИБЭККИ БЫРААһЫННЬЫГА
Күндү нэһилиэкпит олохтоохторо уонна ыалдьыттар! Эһигини Аан дойдутааҕы дьиэ-кэргэн күнүнэн, үгэскэ кубулуйбут «Сибэкки уонна дьиэ-кэргэн бырааһынньыгынан» итиитик-истиҥник эҕэрдэлиибит!
Ыам ыйын 18 күнэ-Саха сиригэр Ньургуһун күнэ. Бу күн 2004 сылтан бэлиэтэнэн, быйыл номнуо 22 сыла. Саха норуотугар ньургуһун уустуктан толлубат, эр санаа, хорсун буолуу уонна бастакы таптал бэлиэтэ. Уһун кыһын кэннэ харалдьыкка бастакынан тыллар хоту сир кэрэ сибэккитэ. Саха сиригэр ньургуһун үс көрүҥэ үүнэр. Саһархай, фиолетовай уонна Айаан ньургуһуна. Фиолетовай уонна Айаан ньургуһуна кыһыл кинигэҕэ киирэллэр. Бу тэрээһин элбэх дьону-сэргэни түмэр, эрдэттэн күүтэр, бэлэмнэнэр үтүө түгмсүүгэ, үгэскэ кубулуйда. Дьиэҕэ үүннэрэр кыһыҥҥы сибэккилэртэн саҕалаан, киһи доруобуйатыгар туһалаах эмтээх үүнээйилэргэ тиийэ, бэйэ-бэйэттэн уопут атастаһан, оҕуруоппутун саҥа көрүҥ үүнээйинэн сыл аайы байытабыт.
Күрэхтэр: «Дьиэ-кэргэн хаартыска5а» диэн дьиэ-кэргэн күнүн чэрчитинэн ыытыллынна, «Аптаах киистэ» оҕолорго уруһуй күрэҕэ, дьаарбаҥҥа кыайыылаахтарыгар «Сибэкки эгэлгэтэ-эйгэбит симэ5э», «Дэлэй рассада-өлгөм үүнүү», «Сэдэх үүнээйи хаһаайына» диэн анал ааттар туттарыллынна.
