Одьулуун модельнай бибилэтиэкэ, нэдиэлэтээҕи сонуннара.
Муус устар 27 күнэ- САХА ӨРӨСПҮҮБҮЛҮКЭТИН КҮНЭ! Бу күн 1922 сыллаахха РСФСР иһинэн Саха АССР тэриллибит. Ону таһынан, 1992 сыллаахха, бу күн, демократия бириинсиптэригэр олоҕурбут өрөспүүбүлүкэ саҥа Төрүт Сокуона (Конституцията) ылыллыбыт.
Ол курдук, 1922 сыл муус устар 27 күнүгэр саха норуотун чулуу уолаттара Былатыан Ойуунускай, Максим Аммосов, Исидор Барахов, Степан Аржаков, Степан Васильев Саха сирэ автономиялаах буоларын ситиспиттэрэ.
Нэһилиэкпит библиотекатыгар ыалдьыттаатылар, «Күнчээн» уһуйаан улахан уонна орто бөлөх иитиллээччилэрэ. Иитээччи Макарова Ньургуяна Николаевна уонна Барашкова Христина Ильинична кыттыыны ыллылар. «САХА ӨРӨСПҮҮБҮЛҮКЭТИН КҮНЭ» диэн оҕолорго бэсиэдэ ыытылынна.
«КЫАЙЫЫ ДЬЫКТААНА» -2026 с.
Муус устар 24 күнүгэр нэһилиэк библиотекатын көҕүлээһининэн сыл аайы ыытыллар Аҕа дойду Улуу сэриитин түгэннэриттэн норуоттар икки ардыларынааҕы историческай дьыктаан ыытылынна, 25 сорудахтаах. Дьыктааммыт тиэмэтэ: Аҕа дойду сэриитин биллиилээх дьоно, түгэннэр, суруйааччылар, поэттар тустарынан буолла. Нэһилиэккэ үс площадка тэриллэн кытынныбыт. Одьулуун орто оскуолата, олохтоох библиотека, Чурапчытааҕы аграрно-техническэй колледж устудьуоннар уонна үлэһиттэр. 45 мүнүүтэ иһигэр тест толорон, үлэлэр сканерданан үөрэх управлениятыгар ыытылынна.
