Ожулунская модельная библиотека филиал №10

ССРС уонна Саха сирин суруйааччыларын сойууһун чилиэнэ, прозаик, публицист, СӨ култууратын үтүөлээх үлэһитэ, СӨ оҥорон таһаарыы эйгэтигэр Судаарыстыбаннай бириэмийэ лаурета, Алексей Кулаковскай аатынан Судаарыстыбаннай бириэмийэ лауреата, Чурапчы улууһун уонна Одьулуун нэһилиэгин бочуоттаах олохтооҕо, Саха народнай суруйааччыта Василий Назарович Егоров-Тумарча 90 сааһынан, Одьулуун нэһилиэгин модельнай бибилэтиэкэтигэр истиэндэ үөрүүлээх аһыллыыта буолла.

Тэрээһин үөрүүлээх чааһыгар, “Одьулуун нэһилиэгэ” тыа сирин түөлбэтин баһылыга Людмила Ефремова, улуус мунньаҕын дьокутаата Антон Аржаков, СӨ доруобуйа харыстабылын туйгуна, Одьулуун нэһилиэгин бочуоттаах олохтооҕо Василий Назарович убайын Афанасий Назарович кыыһа Дария Егорова, СӨ бочуоттаах бэтэрээнэ, СӨ Тыатын хаһаайыстыбатын бэтэрээнэ, Өрөспүүбүлүкэ бочуоттаах кырдьаҕаһа бэлиэлэр хаһаайыннара, Одьулуун нэһилиэгин бочуоттаах олохтооҕо, Василий Назарович үөлээннээҕэ Николай Федотов кыттыыны ыллылар.

Истиэндэ ис тутулун оҥорууга күүс-көмө буоллулар СӨ култууратын туйгуна, Одьулуун нэһилиэгин бочуоттаах олохтооҕо Анна Аржакова, СӨ муницапальнай сурууспатын туйгуна, Чурапчы улууһун уонна Одьулуун нэһилиэгин бочуоттаах олохтооҕо Евдокия Окорокова, эбии хаартыскалары Таисия Петровна, Василий Назарович тус бэйэтин архыыбыттан ылан үлэлэстибит.