Одьулууну Одьулуун дэппит Егор Семенович Николаев.
Николаев
Егор Семенович
(08.04.1930 — 22.05.2016)
«Бочуот Знага» орден кавалера, РСФСР тыатын хаьаайыстыбатын туйгуна,
Саха Республикатын тыатын хаһаайыстыбатын бэтэрээнэ,
Саха АССР Верховнай Советын 1967-1972 cc. депутата,
Чурапчы улууһун Одьулуун нэһилиэгин Бочуоттаах гражданина .
Олунньу 21 күнүгэр Бэйэтин кэмигэр Одьулуун нэһилиэгин аатын киэҥник ааттаппыт, нэһилиэк сайдыытыгар үгүс сыратын уурбут ытыктыыр аҕата Егор Семенович Николаев сырдык аатын кэриэстээн, киинэ түспүт, биһигэ ыйаммыт, дьоллоох оҕо сааһа ааспыт сиригэр-уотугар махтанан туран, бар дьонугар эһиэхэ анаан үҥкүү бөлөҕүн дьоро киэһээтин бэлэхтээтэ, Егор Семенович кыра кыыһа, хореограф, Саха Өрөспүүбүлүкэтин култууратын туйгуна Марина Кузьмина-Николаева.
Ол чэрчитинэн олохтоох модельнай библиотекаҕа Егор Семенович Николаевы, «Ахтан-санаан ааһыахха», аҕам саастаах дьоммут мустан Марина Егоровнаны кытта истиҥ иһирэх көрсүһүү буолла.
Сахабыт култууратын омук сирдэригэр киэҥник билиһиннэрбит, хас эмэ төгүллээх Гран-при🏆🥇хаһаайыннара «Леди плюс» үҥкүү бөлөҕүн кэнсиэрэ буолла.
Кыттыыны ыллылар: С.Ө. үтүөлээх артыыһа Александр Кузьмин. Чурапчы улууһун култууратын туйгуна Илларион Абрамов, «Туймаада» ырыа бөлөҕүн артыыһа бэйэбит уолбут Антон Абрамов, ВИА «Чэчир» ансамбла. Кэнсиэри иилээн-саҕалаан ыытта С.Ө. култууратын туйгуна Николай Роббек
