Ожулунская модельная библиотека филиал №10

Нэһилиэктэр икки ардыларыгар сыл устата ыытыллыбыт күрэхтэһииттэн комплекснай спартакиадаҕа Одьулуун нэһилиэгэ бочуоттаах II миэстэни ылары ситистилэр. Одьулуун нэһилиэгин успуорт инструктора Егор Савельевич Капитонов. Былырыын саҥа дьыл саҕана Людмила Васильевна, Антон Алексеевич, Леонид Алексеевич буоланнар кэпсэппиттэр Егор Савельевичтыын, бастаан толкуйдаан баран биир сыл договордаһан үлэлээн саҕалаабыт. Тохсунньу ыйга мунньах оҥорон федерация талбыттар.

Бастакы күрэҕинэн буолбута Хапсаҕай — 4 миэстэни ылбыттар. Полуфиналга 4 хамаанда буолан хаалбыттар. Бэйэлэрин группаларыгар I миэстэни ылары ситиспиттэр. Федерация чилиэнэ Иван Николаевич Парфенов, солбуйааччы Владимир Семенович Кардашевскай.

Мас тардыһыыта Одьулууҥҥа буолбута онно I миэстэ ылбыттар. Федерация салайааччыта Людмила Васильевна Ефремова, толорооччу Айсен Молуков ол кэнниттэн биир дойдулаахпытын Айсены Улууска старшай тренерынан анаабыттара. Бастакы миэстэни ыларга күүстээхтик үлэлэһэн ситиспиттэр. Татьяна Дьячковская, Александр Ноев, Мария Ноева, Ньургустаан Матвеев, Светлана Молукова, Егор Собакин ветераннар ааттарыттан кыттыбыта- бары I миэстэни ылбыттар, Михаил Адамов- III миэстэни.

Хаһыйар успуордугар 17 хамаандаттан 10 миэстэни ылбыттар. Федерация чилиэнэ Антон Алексеевич Аржаков, солбуйааччыта Алексей Николаевич Кардашевскай. Гаврил Петрович Григорьев Үрэх-Күөрэттэн кэлэн хайыһардаабыт.

Чэпчэки сүүрүүгэ федерация чилиэнэ Анна Семеновна Ефимова хамаанданы күүскэ тэрийэн 6 миэстэни ылбыттара.

Скандинавскай хаамыыга федерация чилиэнэ Людмила Ивановна Дьячковская 8 миэстэни ылбыттар.

Оҕунан ытыыга 8 миэстэ буолбуттара федерация чилиэнэ Петр Степанович Баягантаев, солбуйааччыта Михаил Гаврильевич Ефимов.

Хабылык, хаамыска федерация чилиэнэ Илларион Илларионович Абрамов.Төлөйгө баран күрэхтэһэн кэлбиттэрэ. Николай Колесов III миэстэ, Илларион Абрамов -II миэстэ, Анна Дмитриевна- I миэстэни ылбыттара. Уопсайга 4 миэстэни ылбыттара.

Буулдьанан ытыы Кытаанах нэһилиэгэр буолбута федерация чилиэнэ Николай Михайлович Климов хамаанданан ытыыга III миэстэни ылбыттара ол курдук Алена Юргина, Семен Дьячковский, Елена Николаевна, Василий Авксентьев, Николай Климов уопсайга 4 миэстэни ылбыттара.

Гиирэ федерация салайааччыта Людмила Васильевна Ерфемова, толорооччу Егор Егорович Юргин. Алена Юргина, Леонид Юргин, Егор Юргин — II миэстэни ылбыттара.

Кэрэ аҥардарга волейболга федерация чилиэнэ Аржакова Валентина Леонидовна. 13 хамаандаттан 5-6 миэстэ Мырыланы кытта былдьаһыахтаахтарын эйэ дэмнээхтик аҥардаһан кэбиһэллэр ол иһин 5,5 миэстэни ылары ситиспиттэрэ.

Уолаттарга волейболга Тускул Лавров хамандыырдаах 16 хамаандаттан 6 миэстэни ылбыттара.

Тенниска федерация чилиэнэ Иннокентий Иннокентьевич Бекянов, солбуйааччы Гаврил Дмитриевич Федотов, уолаттартан Эрик Павлов, Виталий Седалищев, Валентин Матвеев, кыргыттартан Анжелика Аркадьевна Жегусова, Марселина Васильевна Петрова – 4 миэстэни ылары ситиспиттэрэ.

Байанай күрэҕэр федерация чилиэнэ Владислав Васильевич Петров солбуйааччыта Анатолий Льовович Колесов- II миэстэни ылары ситистилэр.

Мини футболга федерация чилиэнэ Иван Иванович Потапов, Чурапчыга Боотур Уус стадиоҥҥа буолбута онно 6-с миэстэни ылбыттара.

Шашки федерация чилиэнэ Руслан Семенович Кардашевскай 17 хамаандаттан II миэстэни ылбыттара бу улахан ситиһии буолар. Иван Ильич Попов, Андрей Карпов уонна да атыттар кыттыыны ылбыттара.

Шахмат федерация чилиэнэ Андрей Алексеевич Гуляев, солбуйааччы Афанасий Алексеевич Аржаков эр дьоҥҥо оонньообуттара Аверкий Потапов, Андрей Алексеевич, Афанасий Алексеевич.

Бильярд федерация чилиэнэ Леонид Алексеевич Собакин солбуйааччы Александр Ильич Карпов, 16 хамаандаттан 11 миэстэ буолбуттара.

Бүтэһик көрүҥүнэн национальнай многоборье буолбута. Федерация чилиэнэ Сергей Николаевич Шестаков, улахан көмөнү оҥорбута биир дойдулаахпыт 2014 сыл Дыгын оонньуутун кыайыылааҕа Петр Старостин. Светлана Молукова уопсайга кыргыттарга III миэстэни ылары ситиспитэ. Светлана мас тардыһыытыгар — I-кы миэстэни ылбыта. Ньургустаан Матвеев — мас тардыһыытыгар -II миэстэ, атах оонньуутугар -I миэстэ уонна Ньургун Иванович Седалищев дойдутун туһугар киирэн кыттыбыта, мас тардыһыытыгар- II миэстэни ылбыта.

Бу улахан сыралаах, таһаарыылаах үлэ түмүгүнэн Капитонов Егор Савельевич “Бастыҥ инструктор” ааты ылары ситистэ. Түгэнинэн туһанан дойдуларын чиэһин көмүскээбит, биир дойдулаахтарбытыгар, барҕа махталбытын тиэрдэбит, бу курдук түмсүүлээхтик бииргэ үлэлэһэн өссө даҕаны элбэх ситиһиилэр кэлэ турдуннар.