Кинигэ сүрэхтэниитэ «Эрдэ тохтообут олох»
Быйыл Аҕа дойду сэриитин Улуу Кыайыы 80 сылынан, Арассыыйаҕа Аҕа дойдуну көмүскүүр, Саха Өрөспүүбүлүкэтигэр Төрөөбүт дойдуну көмүскүүр, Чурапчы улууһугар Чиэстээһин уонна Ситиһии сылларыгар аналлаах, биир дойдулаахпыт Авксентьев Альберт Васильевич “ЭРДЭ ТОХТООБУТ ОЛОХ” кылгас олоҕун туһунан кэпсиир кинигэтин сүрэхтэниитэ буолла.
Аныгы үйэ тэтиминэн, кинигэни таҥан оҥоруу проект- дэнэр, кинигэни хомуйан оҥордо “РФ үөрэҕириитин туйгуна, педагогическай үлэ ветерана, Одьулуун нэһилиэгин олохтооҕо, биир дойдулаахпыт Анастасия Васильевна Саввина – Аларга.
Кинигэни редакциялаан, таҥан бэчээккэ бэлэмнээтэ кыыһа Евгения Николаевна Николаева – биологическай наука кандидата, СФВУ медицинскай институтун доцена, көмпүүтэргэ таҥан онордо Дьокуускайдааҕы «КЭМ» полиграфическай издательсво үлэһитэ Марфа Ивановна Шадрина.
Халыҥ тастаах, тупсаҕай оҥоһулаах, Альберт ситиһиитин көрдөрөр, кэпсиир өҥнөөх хаартыскалар кинигэ ис хоһоонун ситэрэн биэрэр, кинигэбит III чаастан турар, 111 страницалаах, Дьокуускайдааҕы “КЭМ” полиграфическай издательствоҕа 50 экземплярынан, бэчээттэнэн күн сирин көрдө. Кинигэ тутула сүрдээх үчүгэйдик таҥыллыбыт, саҕаланыытыгар Кавалер ордена “ЗА МУЖЕСТВО” и медали “ЗА ОТВАГУ” диэн Альберт Васильевич формалаах хаартыската киирбит.
I чааһа Ытык иэс: Авксентьевтар уол оҕо, эр киһи буолбут иэстэрин, дойдуларыгар толору чиэстээхтик толорбут дьоннор, Алик эһэтэ Авксентьев Василий Тимофеевич уонна таайа Авксентьев Иннокентий Тимофеевич, олохторун туһунан ахтыылара сырдатылыннылар.
II чааһа Оҕо саас, эдэр саас: Альберт ийэлээх аҕата ыал буолан оҕо төрөтөн сирдээҕи дьолу билэр үөрүүлэрэ, маҥнайгы учуутала СӨ үөрэҕириитин туйгуна Павлина Далиновна Седалищева, орто сүһүөххэ кылаас салайааччытынан үлэлээбит СӨ туйгуна Туйара Семеновна Максимова, Аграрнай техническай колледж механига Андрей Алексеевич Гуляев уонна бииргэ үөрэммит доҕотторун дириҥ ис хоһоонноох ахтыылара киирдилэр.
III чааска Аҕа дойду көмүкэлигэр: төрөппүттэрин уонна анал байыаннай дьайыыга бойобуой табаарыстарын, аймах-билэ дьоно Николаевтар дьиэ – кэргэн, Александра Михайловна Григорьева, абаҕата Григорий саҥаһа Мария Павловтар, саҥа олох хаһыат куйаар ситимиттэн, Алигы олох кыра оҕо эрдэҕиттэн учугэйдик билэр учуутала Иван Ильич Попов уонна түмүккэ Анастасия Васильевна – Аларга хоһоонунан суруйуулара киирдилэр.
Альберт 1997 сыллаахха муус устар 2 күнүгэр дьоллоох Дьокуускай куоракка Авксентьевтар дьиэ кэргэҥҥэ үһүс оҕонон күн сирин күлүмнэс сырдыгын көрбүтэ. Ийэлээх, аҕата Наталья Егоровна, Василий Васильевич үөрүүлэрин үрдэппитэ. Кини оонньуур – көрүлүүр оҕо сааһа Одьулуун нэһилиэгэр ааспыта. Кыра эрдэҕиттэн сэмэй, киһи тылын истимтиэ уонна сүрдээх аһыныгас, кыраны – кыамматы көмүскүүр майгылааҕа, өрүүтүн дьоҥҥо көмөлөһө сылдьара.
Аҕа дойду туһугар тыынын толук уурбут, “Мужество” орденннаах, саллааттарга саамай сыаналаах “ЗА ОТВАГУ” мэтэллээх хорсун – хоодуот уолбут Альберт Васильевич Авксентьев аата үйэлэр тухары ааттана туруо!
