Ожулунская модельная библиотека филиал №10

Олунньу 13 кунэ – төрөөбүт төрүт тыл, сурук-бичик күнэ. Саха литературата төрүттэммитэ 125 сыла.

Амма Аччыгыйа эппитин курдук саха тыла:

 «Сир симэҕин курдук сиэдэрэй,

Үрүйэ уутун курдук ыраас…»

Күндэ эппитинии:

 «Төрөөбүт төрүт тыл,

Сөрүүн сүөгэй курдук,

Сүрэҕи-быары сөрүүкэтэр…

Сырдьыгыныы көөнньүбүт

Сылгы кымыһын курдук,

Тостор куйааска

Тоҕулу ханнарар.

Тэрээһиммитигэр кыттыыны ыллылар:

СӨ Үөрэҕириитин туйгуна, Үлэ ветерана, Чурапчы улууһун сыанатын ветерана,  Чурапчы улууһун үөрэх сайдыытын иһин, Одьулуун нэһилиэгин сайдыытын иһин, Тыа хаһаайыстыбатын оскуолаларын союһун сайдыытыгар кылаатын иһин, профсоюзнай хамсааһын сайдыытыгар кылаатын иһин знактар хаһаайына Иван Ильич Попов – Байдам.

СӨ Үөрэҕириитин туйгуна, Өрөспүүбүлүкэтээҕи суруйааччылар “Иэйии” коммерческайа суох тэрилтэ чилиэнэ, Регионнааҕы “Айар кут” поэттар уонна прозаиктар союзтарын чилиэнэ, Феоктист Софронов сиэн балта  Наталья Егоровна Сергеева – Аана кыыһа.

Өрөспүүбүлүкэтээҕи “Сахалыы тыынынан” литературнай түмсүү, “Чурапчы” айар түмсүүтүн чилиэнэ. Чурапчытааҕы аграрнай-техническай колледж бочуоттаах үлэһитэ, “Росгосстрах” 100 сыллаах үбүлүөйүнэн компания сайдыытыгар киллэрсибит кылаатын иһин махтал суругунан наҕараадаламмыта. Аан дойдутааҕы, Өрөспүүбүлүкэтээҕи хоһоон ааҕыыларыгар үрдүк ситиһиилэрдээх – Степанида Ивановна Попова.

Өрөспүүбүлүкэтээҕи «Кэрэ эйгэ» түмсүүтүн чилиэнэ Дария Дмитриевна Михайлова.

Саха Өрөспүүбүлүкэтин үөрэҕириитин «Саха сирин эрэлэ» , «Надежда Якутии» диэн знактар хаһаайкалара. Аан дойдутааҕы, Өрөспүүбүлүкэтээҕи хоһоон ааҕыыларын хас да төгүллээх кыайыылааҕа —Анна Павловна Ноговицына.

Одьулууннааҕы оҕо сайдар киинэ «Күнчээн» уһуйаан орто бөлөҕүн иитиллээччитэ Мичийэ Куличкина.

Төрөөбүт тыл- Саха киһитин олоҕор, инники кэскилигэр тэҥҥэ кыттар иэйиитэ, тобулан таһаарар өркөн-өйө, төрүт өбүгэбит удьуорун, силиһин-мутугун быстыспат ситимэ буоларын өйдүү-саныы сылдьыаҕыҥ Саргылаах Сахабыт тыла үүнэ-сайда, чэчирии туруохтун!