Ааспыт нэдиэлэтээҕи солуннар Октябрь
Дмитрий Герасимович Дыдаев Чурапчы улууһун Одьулуун нэһилиэгэр алтынньы 10 күнүгэр 1935 с. төрөөбүтэ. Чурапчы орто оскуолатыгар Дмитрий фронтовик Г. И. Макаров-Дьуон Дьаҥылыга үөрэммитэ. Д.Дыдаев үлэтин 1958 с. Одьулуун библиотекатын сэбиэдиссэйинэн саҕалаабыта. «Эдэр коммунист» хаһыат, «Хотуту сулус» сурунаал корреспондена. 1960-1963 сылларга СГУ саха тылын, литературатын салаатыгар үөрэммитэ. Өлөөн орто оскуолатыгар, Өлүөхүмэ Чаара интернат-оскуолатыгар саха тылын, литературатын учууталынан, иитээччинэн үлэлээбитэ.
1965 с. Бүлүү педучилищетын бутэрбит Татьяна Петровна Слепцованы кэргэн ылбыта. Кэргэнин дойдутугар Верхоянскай оройуон Арыылаах аҕыс кылаастаах оскуолатыгар учууталлаабыта. Дыдаевтар икки уол оҕоломмуттара.
Поэт хоһоонноругар саха мелодистара элбэх ырыа айбыттара. Ол курдук, Серафим Павлов «Мин сааскым», Владимир Татаринов «Тохтоон дуу, туруйалар», Виталий Андросов «Бүтэр уһук», А. Стручков «Доҕотторбор, үөлээннээхтэрбэр», «Баҕа санаам», Алексей Калининскай «Мин бүгүн көрүстүм эйигин» уо.д.а.
Саха народнай суруйааччылара Семен, Софрон Даниловтар, Күннүк Уурастыырап, Иван Гоголев-Кындыл, Михаил Тимофеев, суруйааччылар Анастасия Сыромятникова, Иван Федосеев поэт айар дьоҕурун, үлэтин үрдүктүк сыаналыыллара.
Д. Дыдаев Расул Гамзатов, Эжен Потье, Р. Рождественскай, В.Маяковскай, Ф.Искандер, М. Джалиль айымныларын сахалыы саҥардыбыта.
1968с. «Ыллыгым, ыллыкчааным» бастакы кинигэтэ тахсыбыта.
1971с. «1000 туруйа» күн сирин көрбүтэ.
1974с. «Өр сыллаах ахтылҕаным» диэн ааттанан тахсыбыта. Бу кинигэ «Хомурахха хоһооннор» диэн аатынан 1990 с. хос бэчээттэммитэ.
Кылаастарына аһаҕас уруоктар буоллулар.
Алтынньы ый 3 күнүгэр, Аан дойдутааҕы Аҕам саастаахтар күннэрин декадатынан «Көмүс саас» үөрүүлээх тэрээһин.
«Илиим сылааһынан» Федотов Николай Александрович (үлэ ветерана, сэрии сылларын оҕото, Одьулуун нэһилиэгин бочуоттаах олохтооҕо), кини оҥорбут оҥоһуктарынан быыстапка түгэннэриттэн.
