Быйыл Өрөспүүбүлүкэҕэ Култуура сыла биллэриллэн, Мила Кудряшова тыйаатыр туһунан документальнай киинэтэ көһүннэ.
«Театр Боотура»: Саха сценатын киинэ нөҥүө арыйыы.
Одьулуун орто окуолатын улахан кылаас үөрэнээччилэрэ, Дарья Ермолаева, Надежда Хлыстова туруорууларыгар «Театр Боотура» диэн саҥа документальнай киинэни уопсайа 15 үөрэнээччи көрдө.
Бу — тыйаатыр сыанатыгар тахсар опера уонна балет курдук сүдү айымньылар хайдах курдук сыралаах үлэттэн, түүннэри утуппат репетициялартан, артыыстар хас биирдии хамсаныыларыттан, көлөһүннэриттэн ситимнэнэн тахсалларын итэҕэтиилээхтик арыйар киинэ. Экран нөҥүө биһиги сахабыт сирин искусствотын эйгэтигэр күн аайы буолар кистэлэҥи — софиттар анныларыгар эрэ баар чаҕылхай олоҕу буолбакка, кулиса кэннинээҕи ыарахаттары, үрдүк ирдэбиллээх режиссураны уонна испэктээги чочуйууга барытын ууран туран үлэлиир айар куттаах дьон дьулуурун илэ харахпытынан көрдүбүт.
Тыйаатыр — бу син биир боотурдар охсуһар кыргыһыыларын курдук: манна кыайыы-өлүү, драма, өрөгөй баар. Киинэ аата да ону бэйэтэ этэ сылдьар. Биһиги бүгүн сыана дьоруойдарын эрэ буолбакка, кинилэр хорсун сүрэхтэрин, идэлэригэр бэриниилэрин сөҕө-махтайа көрдүбүт.
Туруорааччылар Дарья Ермолаеваҕа, Надежда Хлыстаҕа, киинэни устубут хамаандаҕа, барҕа махталбытын тиэрдэбит!
